iPad 维修｜iPad 换萤幕、换电池、充电接口及入水维修

iPad、iPad Air、iPad mini、iPad Pro：维修上有咩唔同？

几个系列外观相似，但萤幕结构、解锁方式同零件设计都唔同，会直接影响维修方法、时间同价钱。维修前技师会先识别型号同世代，避免因型号混淆而报错价：

*解锁方式及零件设计以 Apple 官方资料为准，唔同世代可能有分别。

iPad 萤幕裂咗但仲用得，可唔可以唔理？

好多用家见到 iPad 萤幕裂咗，但触控同显示都仲正常，就选择拖延。不过裂痕会随日常使用同温度变化扩大，玻璃碎片可能刮伤手指，亦可能刮花或损坏 Apple Pencil 笔尖。裂缝亦会令尘埃或水气更易渗入显示层，长远可能导致显示异常甚至萤幕失灵。如果型号嘅玻璃同显示层可以分开更换，越早处理，越有机会只换外层玻璃，费用亦可能较低。

换萤幕后 Apple Pencil、Face ID 仲用唔用得？

专业更换会小心处理触控层同排线，Apple Pencil 书写流畅度、配对同压力感应一般唔受影响；iPad Pro 嘅 Face ID 亦需要小心处理原深感测相机相关排线。交机前技师会实际测试书写、配对同解锁功能。

要留意，Apple 官方说明 iPad 萤幕同 iPadOS 系一齐设计嘅，非 Apple 原厂萤幕可能出现相容性或效能问题，例如触控异常或者耗电增加。本店会喺维修前讲明所用萤幕类型同可能影响，等你自己决定。iPhone 用家换Mon，可以睇 iPhone 换Mon。

iPad「零件与维修记录」系咩？

Apple 官方说明，iPad 曾经维修过嘅话，可以喺「设定 → 一般 → 关于本机」睇到「零件与维修记录」，了解维修有冇用 Apple 原厂零件：

• 原厂：使用 Apple 原厂零件同程序维修。
• 已使用：零件系原厂，但曾经喺另一部 iPad 使用或安装过。
• 完成维修：维修程序未完成，需要用维修助理完成。
• 未知：零件唔系原厂、运作唔正常，或者维修后未经验证。

Apple 表示呢啲讯息唔影响 iPad 正常使用。支援显示嘅零件视乎型号：iPad Pro（M4 及 M5）会显示原深感测相机同萤幕；iPad Air（M2、M3 及 M4）、iPad mini（A17 Pro）同 iPad（A16）会显示 Touch ID。只有曾经更换零件，或者零件运作唔正常，先会出现呢个部分。

iPad 电池健康度点睇？几时要换电池？

根据 Apple 官方资料，iPad 电池设计为完成1000次完整充电循环后仍保留80%原有容量，实际情况视乎使用同充电习惯。支援型号（iPad Pro M4 及之后、iPad Air M2 及之后、iPad mini A17 Pro、iPad A16）可以喺「设定 → 电池 → 电池健康度」查看最大容量、循环次数、制造日期同首次使用日期。较旧型号冇呢个显示，可以留意续航有冇明显缩短、有冇突然关机，或者机身有冇膨胀。

Apple 亦说明，iPad 充满电后会自动停止充电，跌到95%以下先再充，所以夜晚叉住电系安全嘅；但电池充电时会发热，可能缩短寿命，可以嘅话充满就拔电。

iPad 80% 充电上限点开？

Apple 官方说明，iPad Pro（M4）及之后、iPad Air（M2）及之后、iPad mini（A17 Pro）同 iPad（A16）可以开启「80% 上限」延长电池寿命：

• 开启方法：「设定 → 电池 → 电池健康度」，开启「80% 上限」。
• 运作方式：iPad 会充到约80%停止，电量跌到75%先再充到约80%。
• 偶尔充满：就算开咗上限，iPad 偶尔仍会充到100%，以保持电量显示准确。
• 暂时取消：可以拣「允许至明天」，听朝6时会回复80%上限。

换电池前，应该先检查啲咩？

• 充电接口：清洁接口积尘，排除唔叉电系接口问题而唔系电池，详见充电接口维修。
• 软件耗电：检查背景 App 同定位服务有冇异常耗电，详见软件问题修复。
• 电池健康度：支援型号喺设定查看最大容量，作为判断有冇需要更换嘅参考。
• 使用环境：长期喺高温下叉电或使用，会加速电池老化。

iPad 入水点处理？

iPad 入水后应立即关机、唔好叉电，抹干表面后尽快送修。iPad 机身面积大，液体可能沿萤幕边位或接口渗入，就算表面干咗，内部都可能仲氧化紧。入水后唔开机、显示异常或者功能失灵，就需要拆机检查主机板，详见入水维修；急住救资料，可以睇资料救援。

官方 vs 坊间 iPad 维修：边个啱你？

根据 Apple 香港官网，Apple 有限保养涵盖购买日起一年内嘅制造问题；Apple 维修服务及替换零件享有90天保障，或 Apple 保养嘅剩余期限，以较长者为准；AppleCare 计划下，电池容量降至80%以下可免费更换电池。所以有 AppleCare+ 或者仍在保养期内嘅制造问题，建议先揾官方。过保、意外损坏，或者急住即日攞返部机，坊间维修店就系更实际嘅选择。

*官方条款以 Apple 最新公布为准；本店条款以现场报价及保养单为准。本店并非 Apple 授权维修中心。

送 iPad 维修前要准备咩？

• 先备份：用 iCloud 或电脑备份，维修一般唔会清资料，但稳阵起见都建议先做。
• 记低密码：萤幕密码同 Apple 帐户密码，交机测试时可能需要。
• 带埋 Apple Pencil：方便即场测试书写同配对。
• 除去保护壳同键盘：方便检查机身同萤幕边位。
• 讲清楚经过：有冇跌过、入过水，之前有冇俾人整过。

MacBook 用家可以睇 MacBook 维修；iPhone 用家可睇 iPhone 维修同 iPhone 换电池。更多实用知识，请睇手机维修指南同手机维修常见问题。